Já!

Já! Þvílík gleði!

Ég kláraði helvítis leikinn! Þvílík tómlaus hamingja og glens!

Þetta fór einhvernvegin á þessa leið:

Mario: "Ó, guð minn góður. Ég hef bara eitt líf í fórum mínum. Sem og kötturinn, hafði ég níu líf. En nú eru þau burt farin."

Hamarbróðir: "Vík brott, þú óþverra pípulagningamaður. Mér hefur borist skipun frá háttsettum, og virtum, konungi okkar að hér skuli enginn ganga."

Mario: "Verið þér blessaður, bróðir Hamars, því ég hef ekkert vantalað við þig."

Hamarbróðir: "Þér hafið hjarta ljónsins en heila apans, því hér mun ég stúta yður!"

Mario: "Einfeldningar eru best óafgreiddir, og því mun ég skokka framhjá yður. Fljúgandi flugfiskar, hvað sé ég nú? Sé ég gullslegið konungsherbergið, óvarið og bert?"

Bowser: "Það er rétt, og mun þetta vera þitt dánarbeð!"

Mario: "Taktu þetta, þorpari og morðingi!"

Bowser: "Hvílík ósköp! Hamrar mínir bíta ei á þína stæltu vöðva! Ég hef verið sigraður!"

Prinsessan: "Þakka þér, göfugi herra, fyrir að bjarga mér. En við höfum handa þér enn eina svaðilförina. Ýttu á B til að velja heim."

Eða, þú veist, eitthvað...