SPÆ 403

Guðrún Túliníus er alveg hrikalegur kennari.

Mér er sama þótt hún lesi þetta og reki mig úr áfanganum, eða eitthvað þvíumlíkt. Hún má gera það ef hún vill. En ég vil bara að það komist til skila að ég get ekki lært hjá þessari konu.

Í fyrsta lagi ætla ég að viðurkenna að ég keypti aldrei Correcto. Er það sniðugt af mér? Já og nei. Já, því þetta er illa uppsett drasl, og nei því að kennsluaðferðir Guðrúnar einkennast algjörlega af því að vísa manni í bókina. Svör hennar við spurningum hafa hingað til einskorðast við "Þetta er bara svona." eða "Ertu búinn að kíkja í bókina?"

Ég efast ekki um spænskukunnáttu hennar. Hún talar örugglega reiprennandi spænsku. En á meðan hún heldur áfram að tala niður til okkar, eins og við séum hinir örgustu hálfvitar, rígheldur svona í þessa blessuðu biblíu sína (Correcto) og lætur okkur aldrei hafa nein verkefni úr þessum aragrúa af reglum sem hún reynir að troða inn í hausinn á okkur, á enginn eftir að ná málfræðinni.

Guði sé lof að það kom afleysingakennari, sem heitir Nína og hefur þá náðargáfu að vera snillingur, sem kenndi mér meira í einum tíma en ég hef lært á allri önninni með Guðrúnu.

Kannski var ég bara alltaf svona lélegur nemandi, og kippti mér algjörlega upp í þessum eina tíma. Ég held ekki.