Aldrei verður aftur snúið

Luis ákvað að við hefðum gott af því að sjá Irreversiblé. Hann hafði rangt fyrir sér.

Myndin er, að mestu leyti, rosalega vel skotin. Sagan er sögð í vitlausri röð, frá endi til byrjunar. En ég tel að enginn hafi gott af því að sjá eitt korter af átakanlegri nauðgun saklausrar konu. Myndavélin situr föst á gólfinu, líkt og fórnarlambið, sem í raun gerir okkur áhorfendur algjörlega varnarlausa. Við setjum allt okkar traust í myndavélina, og vonumst til þess að hún fljúgi brott frá öllum hættum og ógeðheitum. En reyndin er sú að við sitjum þarna og horfum á mann nauðga konu. Við sjáum, í fjarska, mann nálgast sem snýr síðan við í flýti þegar hann sér hvað er á seyði. Við horfum þegar konan er spörkuð í andlit, bak og maga þangað til hún fellur í dá. Aldrei færir myndavélin sig. Enginn af áhorfendum orkaði að labba út.

Öllum ofbauð. En við sátum föst þarna, líkt og fórnarlambið. Lömuð.

Merkileg staðreynd dagsins: Ég hef allt mitt líf skrifað skrýtinn með venjulegu i, en komst að því í dag að það er með ypsilon.

Seinni staðreynd dagsins: Eftir að hafa gluggað í almennilega orðabók, í stað draslbókarinnar sem faðir minn skoðaði, komst ég að því að skrítinn er rétt hvort sem um er að ræða ypsilon eða hið venjulega i.

Merkilegur fundur á alheimsvefnum: Heimsins stærsta Game Boy tölva