Madness Give-Away Day

Jæja, nú muna sumir kannski eftir því að ég sagðist ætla að gera eitthvað óvænt í dag, á afmælisdeginum mínum. Nú, þegar ég get ekki sofnað, kl. sex um morguninn, er kannski bara kominn góður tími á að tilkynna hvað það óvænta er.

Sælla er að gefa en að þiggja, sagði einhver snillingur, ef ég man rétt. Þess vegna ætla ég, í allan dag, þegar ég hef tíma, að gefa allskonar hluti sem ég finn í herberginu mínu, en hef ósköp lítinn áhuga á að eiga áfram. Hvort sem þetta eru eldgamlir antíkmunir, eða splunkunýjir dýrgripir (ekki stóla á'ða) þá mun ég gefa það þeim sem svarar laufléttum spurningum.

En hafið þó í huga að þið getið bara fengið einn hlut hver, svona til að hafa þetta sem sanngjarnast, þannig að veljið vel hvað ykkur langar virkilega í. En takið ekki of langan tíma í að ákveða, því þá svarar bara einhver á undan ykkur. Tja, það er að segja, ef einhverjum langar í annað borð í þessa hluti.

En vindum okkur í þenna lið, sem ég kýs að kalla Madness Give-Away Day með fyrsta hlutinum.

Sá hlutur einkennist við DVD-hulstur og var keyptur í mikilli heimsku minni, þar sem að ég þoldi ekki þessa mynd. En myndin heitir, jú, Matrix Reloaded og er framhald hinnar geysivinsælu Matrix. Til að eignast þennan glæsilega grip, pakkaðan af aukaefni fyrir ykkur kvikmyndaáhugamenn, þá skuluð þið svara þessari laufléttu spurningu.

"The girl just wants to bed you; she don't wanna wed you. You don't even blink? She wants to worship at the temple of Sean Devine."

Hvaða leikari sagði þetta, í hvaða mynd og hvað hét persónan hans í sömu mynd?